KILI Music Awards ziliishia wapi?, Je! zilidhoofisha au kukuza tasnia? Nikki Mbishi

Kuchukua wazo(IDEA) la mtu bila idhini yake(Kuiba) ni jambo moja ambalo linaweza kuwa rahisi sana ila ugumu unakuja kwenye kuliendeleza wazo hususan bila kushirikishwa mwanzilishi wa wazo hilo.
Mtu akibuni wazo lake mara nyingi anakuwa anauona mustakabali wa mwendelezo wa wazo lake yaani (Future) na mara zote anakuwa na ubunifu na ufanisi wa hali ya juu katika kulikuza wazo lake tofauti na mwizi ataiba na atalitekeleza mara ya kwanza hata ya pili na ya tatu kisha litapoteza mashiko na hamasa miongoni mwa walioliamini wazo hilo.
Mifano hai ipo mingi sana katika maisha halisi,hebu tuangazie nyanja ya TUZO za muziki Tanzania kwa mfano KILI Music Awards ziliishia wapi?Na je zilidhoofisha au kukuza tasnia?
Binafsi naona zilidhoofisha maana hata walioshinda hizo tuzo hawazithamini kama wanavyothamini tuzo wanazoshinda nje ya nchi.
Tatizo liko wapi?Tatizo ni pale tuzo zinapopewa jina la Brand ya bidhaa ya kampuni fulani,hiyo hulazimu tuzo kuwa na mdhamini huyo huyo kila mwaka.
Nani alikuwa anatarajia tuzo za KILIMANJARO kudhaminiwa na Vodacom kwa mfano?Ni dhahiri haiwezekani,hivyo ilipaswa tuzo zipewe jina ambalo litaweza kudhaminika na kampuni yoyote. Pengine walimaanisha Mlima Kilimanjaro lakini mbona mdhamini Kilimanjaro bia Tu?
Mbaya zaidi hakukuwa na ubunifu wowote kwenye maandalizi,kila mwaka jukwaa lile lile kama madhabau ya Nabii Tito na Academy ile ile na bado bila haya mdhamini analazimika kugharamia maandalizi na kila mwaka yanapanda licha ya kutokuwepo kwa chochote cha kushawishi sponsor kuongeza hela,yaani jukwaa kama la mwaka jana lakini gharama tofauti.
Mwaka jana unatoa Milioni 100 ya maandalizi na mwaka kesho unatoa Milioni 150 licha ya kuwa na madogori yale yale,hata kama ni wewe ndio mdhamini utachoka tu.
Hapo hatujazungumzia lawama au malalamiko yanayozuka kila unapomalizika utoaji tuzo hizo na hii inatokana na kuhusishwa watu wasiohusika au wasio na vigezo vya kuwa kwenye academy ya nominations.
Tujifunze kumheshimu na kumthamini mtoa wazo kwa kushirikiana naye kwa karibu kama Rais alivyofanya kwa mgunduzi wa Tanzanite,hamdhani angethaminiwa yule mzee siku zote angegundua madini mengi zaidi?
Ni mtazamo tu.
#KICHWA_CHAMBUZI @nikkimbishi @2018